Clausena anisata | Perdepis boom te koop

Die Perdepis boom kan ligte ryp weerstaan, en is matig droogtebestand.  Dit is 'n kompakte, immergroen boom met enkelsaamgestelde, donkergroen blare. Wanneer die blare van Clausena anisata verfrommel word, gee dit 'n skerp "perdestal" reuk - vandaar die Afrikaanse  volksnaam "Perdepis".  Sommige kliente vind die reuk aftsootlik, maar vir persone wat op 'n plaas grootgeword het (of steeds dikwels daar besoek) is die reuk eerder nostalgies. As gevolg van die skerp reuk van die blare, is die boom ook besonder bestand teen tuinplae. Die blare word tradisioneel  aangewend as medisyne en ook as 'n spesery. Clausena anisate se wortelstelsel is nie aggresief nie. Ons kan dit dus aanbeveel vir die klein tuin as 'n fokuspunt en interessante gespreksonderwerp - omdat dit so 'n unieke boom is.