Heteropyxsis natalensis | Laventelboom te koop

Laventelboom is rypbestand en matig droogtebestand. Dit is 'n bladwisselende boom en groei redelik vinnig.  Die boom vertoon pragtige herfskleure en is ook 'n plesier vir die oog met sy heldergroen, vars lenteblare. Die bas van Heteropyxsis natalensis skilfer van tyd tot tyd af om 'n pragtge wit stam en takke te vertoon - 'n groeiwyse en vertoning soortgelyk aan die uitheemse Luiperdboom. As die Laventelboom se blare gefrommel word,  gee dit 'n aangename laventelgeur -vandaar die Afrikaanse naam. Heteropyxsis natalensis het nie 'n aggressiewe wortelstelsel nie. Die boom aard baie goed in 'n houer en reageer goed op snoei. Die Laventel boom word nie baie groot nie en is een van die beste bome vir 'n klein tuin. 'n Wenner keuse!