Bosvlier boom | Nuxia floribunda te koop

Bosvlier is 'n medium grootte, vinnig groeiende, immergroen boom. Dit het aanvanklik 'n sigaar vorm met digte takke wat die stam bedek. Soos die boom verouder ontwikkel dit 'n digte, ronde kroon en die takke wat aanvanklik die stam bedek het sterf dan af.  Nuxia floribunda het helder groen blare wat die boom 'n pragtige voorkoms gee. Dit dra groot trosse wit blommetjies in oorvloed. In sy natuurlike stand, wanneer dit blom, staan die Bosvlier duidelik uit tussen sy bure -'n treffende gesig. Bosvlier is 'n onontdekte juweel wat  iets buitegewoon aan die tuinier bied. Die boom reageer goed op snoei en u kan sy grootte en vorm so beheer. Daarom is dit selfs geskik vir 'n baie klein tuin. Nuxia floribunda aard ook in 'n groot pot.