Prunus africana | Rooistinkhout boom te koop

Die Rooistinkhout boom kan matige ryp weerstaan maar is nie droogtebestand nie.  Dit is 'n immergroen boom wat teen 'n middelmatige tempo groei. Prunus africana het enkelvoudige blare wat redelik groot is, met 'n glansend donkergroen kleur. Die boom se stam is besonder donker, en vorm 'n mooi kontras met sy blare. Rooistinkhout se blomme en vrugte is ook aanskoulik. Hierbenewens het die boom 'n mooi rondekruin voorkoms en 'n wortelstelsel wat nie aggressief is nie.  Prunus africana is 'n on-ontdekte spesie wat 'n pragtige vertoning sal gee in die groter tuin. Ongelukkig aard die boom nie baie goed in 'n houer nie.