Vepris lanceolata | Witysterhout boom te koop

Witysterhout kan slegs ligte ryp weerstaan en is matig droogtebestand.  Dit is 'n immergroen boom  wat teen 'n gemiddelde tempo groei. Met 'n eerste oogopslag sou mens Vepris lanceolata vir 'n kareeboom aansien. Witysterhout se blarekroon is egter 'n ligter groen, en die boom behou hierdie voorkoms regdeur die jaar. (Anders as Karee, wat minder mooi lyk net voor sy blaarkroon hernu in November/Desember). Vepris lanceolata het 'n matig aggressiewe wortelstel. Die boom aard goed in 'n houer en reageer goed op snoei. Oorweeg die metode as u 'n klein tuin het.